Jisas i Leftemap Nem Blong Papa Blong Hem

7:15-18, 28, 29; 8:29

Long evri toktok mo aksen blong Jisas, oltaem hem i leftemap nem blong God. Jisas i wantem we ol man oli mas save se mesej we hem i talemaot, i kamaot long God. Taswe oltaem hem i yusum ol tok blong Baebol taem hem i tijim man. Taem narafala i talem tok blong leftemap hem, hem i jenisim samting ya, i pulum man blong leftemap nem blong Jehova nomo. Impoten samting we Jisas i stap tingbaot, hemia blong finisim wok we Jehova i askem hem blong mekem.—Jon 17:4.

?Olsem wanem blong folem fasin blong Jisas . . .

• taem yu mekem Baebol stadi o yu mekem wan tok?

• taem narafala i talem wan tok blong leftemap yu?

• taem yu tingbaot ol samting we bambae yu mekem?