Kristin Kongregesen i Kasem Tabu Spirit

2:1-8, 14, 37, 38, 41-47

Plante man Jiu we oli stap long Jerusalem long lafet blong Pentekos long yia 33 Kristin taem, oli kamaot long ol defren kantri. (Wok 2:9-11) Nating se oli folem Loa Blong Moses, be maet oli stap long wan defren kantri long ful laef blong olgeta. (Jer 44:1) Taswe, samfala maet fasin blong toktok blong olgeta mo klos blong olgeta, i no olsem blong ol man Jiu. Taem ol 3,000 man we oli kamaot long ol defren kantri oli tekem baptaes, hemia i mekem bigfala jenis long Kristin kongregesen. Nating se oli blong defren ples, be “oli stap oltaem long haos tempol we oli gat wan tingting nomo.”—Wok 2:46.

?Olsem wanem yu save soem intres long. . .

• ol man long teritori blong yu we oli blong defren ples?

• ol brata mo sista long kongregesen blong yu we oli blong defren ples?