“Givim Presen i Go Nomo Long Jehova”

?Olsem wanem yumi save ‘givim ol samting fri nomo i go long Jehova’? (1Kr 29:5, 9, 14) Haf ya daon, i soem ol defren rod we yumi save folem blong givim ol presen mane long gladhat blong yumi, blong sapotem wok blong Ol Witnes Blong Jehova long ples blong yumi mo long fulwol.

PRESEN MANE WE YUMI GIVIM TRU LONG INTENET O LONG BOKIS BLONG PRESEN MANE, I BLONG:

• 

  SAPOTEM WOK BLONG PRIJ LONG FULWOL

  bildim mo lukaot long ol bilding blong branj ofis mo ol ofis blong translesen

  ol skul we ogenaesesen i mekem

  olgeta we oli mekem wok blong Jehova fultaem

  givhan long taem blong disasta

  printim ol buk, mekem ol video, mo websaet

• 

  PEM OL SAMTING WE KONGREGESEN I NIDIM

  laet mo wota, mo ol tul blong lukaotgud long Haos Kingdom

  eni resolusen we kongregesen i mekem blong sanem mane i go long branj ofis blong:

  • bildim ol Haos Kingdom mo Haos Asembli long fulwol

  • Sapotem ol wok raon long wol

  • ol narafala wok blong Kingdom

OL ASEMBLI

Ol presen mane we yumi kasem long taem blong ol asembli, oli yusum blong sapotem wok blong prij long fulwol. Mo ol mane we oli yusum blong rerem ol rijional, ol spesel, mo ol intenasnal asembli, oli kamaot long akaon blong wok blong prij long fulwol.

Ol presen mane we oli givim i go long wan eria, i blong pem rent, mo lukaot long ol samting blong asembli. Wan eria i save givim wan amaon blong mane blong sapotem wok blong prij blong Ol Witnes Blong Jehova raon long fulwol.