?Yu Yu Luk Ol Fasin Blong God We Man i No Save Luk?

Taem yu luk kala blong wan naes flaoa, ol sta we oli saen long naet, o wan naesfala wotafol, ?yu luksave se God i gat gudhan blong wokem olgeta? Ol samting we oli stap raon long yumi, oli soemaot klia ol fasin blong Jehova we man i no save luk. (Ro 1:20) Taem yumi tektaem blong tingting dip long ol samting ya, bambae yumi save luk klia bigfala paoa blong God, lav, waes, mo stret fasin blong hem, mo gladhat blong hem blong givim samting.—Sam 104:24.

?Wanem sam samting we Jehova i wokem, we yu yu luk evridei? Nating se yu laef long wan bigfala taon, be yu save luk ol pijin o ol tri. Taem yumi lukluk gud ol samting we Jehova i wokem, hemia i givhan blong mekem ol wari blong yumi oli godaon, yumi putum tingting blong yumi i stap long ol impoten samting, mo i mekem yumi bilif strong se Jehova i save lukaot gud long yumi olwe. (Mt 6:25-32) Sipos yu gat pikinini, i gud yu halpem hem blong i luk ol nambawan fasin blong Jehova. Taem yumi soem se yumi glad long ol samting we oli stap raon long yumi, bambae yumi kam klosap moa long Jehova.—Sam 8:3, 4.

PLEI VIDEO YA OL SAMTING WE GOD I WOKEM OLI LEFTEMAP HEM—LAET MO KALA, BIAEN YU ANSA LONG OL KWESTIN YA:

• ?Wanem i mekem se yumi save luk ol kala?

• ?From wanem ol kala oli jenis folem ples we yu stap long hem?

• ?From wanem yumi save luk plante defren kala long skae?

• ?Wanem samting we God i wokem, we kala blong hem i pulum ae blong yu?

• ?From wanem yumi mas tektaem blong lukluk ol samting raon long yumi?