Givhan Long Ol Brata Mo Sista Long Karabien

Olsem ol fas Kristin, yumi tu yumi gat janis ya blong soemaot lav long ol narafala Kristin we disasta i spolem olgeta. (Jon 13:34, 35) Wajem video ya, Wok We i Soemaot Lav—Disasta Rilif Wok Long Ol Aelan, blong luk olsem wanem ol Kristin oli halpem ol brata mo sista long Karabien, mo biaen yu ansa long ol kwestin ya:

• ?Olsem wanem Hariken Irma mo Hariken Maria i spolem ol brata mo sista?

• ?Olsem wanem Jehova i yusum sam Kristin brata mo sista blong halpem ol brata mo sista long Karabien?

• ?Olsem wanem lav mo gladhat blong ol brata blong givim samting, i gat paoa long ol Kristin we hariken i spolem olgeta?

• ?Hamas brata mo sista i joen long disasta rilif wok long Karabien?

• ?Olsem wanem yumi evriwan i save joen blong givhan long disasta rilif wok?

• ?Wanem filing blong yu taem yu tingbaot se yu stap joen long wan ogenaesesen we i gat bigfala lav?