“Gohed Blong Tingting Long Olgeta Samting We Oli Tru”

?Wanem ol samting ya? Filipae 4:8 i talem se yumi mas gohed blong tingting long olgeta samting we oli tru, oli impoten, oli stret, oli klin, i mekem man i gat lav, i stret blong yumi leftemap, mo oli gud. Hemia i no min se ol Kristin oli mas tingbaot nomo ol samting we Baebol i tokbaot. Be, ol samting we yumi tingting long hem oli mas mekem Jehova i glad. Yumi no mas tingbaot ol samting we bambae oli mekem i had blong yumi holemstrong long hem.​—Sam 19:14.

I no isi blong blokem ol nogud tingting. Yumi stap faet agensem sin we i stap long yumi mo tu agensem Setan we i “god blong wol ya.” (2Ko 4:4) Hem nao i stap kontrolem bighaf blong ol samting we oli stap kamaot long televisen, radio, Intenet, mo ol nius pepa. Sipos yumi no lukaot gud long ol samting we yumi fulumap long tingting blong yumi, ol samting ya bambae oli spolem tingting blong yumi mo sloslo oli gat paoa long fasin blong yumi.​—Jem 1:14, 15.

WAJEM VIDEO YA BLOKEM FASIN WE I SAVE MEKEM YU LEGO JEHOVA—SPEL MO PLEPLEI WE OLI DOTI, MO BIAEN YU ANSA LONG OL KWESTIN YA:

• 

  ?Brata ya i stap lukluk wanem long fon blong hem, mo olsem wanem samting ya i gat paoa long hem?

• 

  ?Olsem wanem Galesia 6:7, 8 mo Ol Sam 119:37 i givhan long hem?