“Olgeta Ples Long Wol Oli Gat Wan Lanwis Nomo”

11:1-4, 6-9

Long Babel, Jehova i mekem lanwis blong ol man we oli no obei long hem i paspas, nao oli go stap olbaot long olgeta ples long wol. Tede, hem i joenem wan bigfala hip blong ol man we oli kamaot long olgeta laen mo lanwis, mo i mekem oli toktok “klin lanwis” blong oli save “singaot nem blong Jehova, blong mekem wok blong hem, we solda blong wan i joen long solda blong narawan.” (Sef 3:9, NW; Re 7:9) “Klin lanwis” hem i trutok long saed blong Jehova mo stamba tingting blong hem we i stap long Baebol.

Blong lanem wan niufala lanwis, i no naf blong lanem ol niufala wod nomo. Man i mas lanem tu blong tingting long wan defren fasin. Long sem fasin, taem yumi lanem klin lanwis blong trutok, yumi mas jenisim tingting blong yumi fulwan. (Ro 12:2) Mo hemia nao samting we i mekem olgeta man blong God oli joengud.—1Ko 1:10.