Yangfala—?Jehova i Besfren Blong Yu?

?Yu yu wantem se fren blong yu i gat wanem fasin? Maet yu wantem se hem i gat fasin ya blong holemstrong, i kaen, mo i glad blong givim samting. Jehova i gat olgeta fasin ya. (Eks 34:6; Wok 14:17) Hem i lesin taem yu prea long hem. Hem i halpem yu taem yu nidim. (Sam 18:19, 35) Hem i fogivim ol mastik blong yu. (1Jo 1:9) !Yes, Jehova i wan nambawan Fren!

?Olsem wanem yu save kam fren blong Jehova? Yu ridim Tok blong hem blong savegud hem. Talemaot tingting blong yu long hem. (Sam 62:8; 142:2) Tinghae long ol samting we oli impoten long Jehova, olsem Pikinini blong hem, Kingdom blong hem, mo ol promes blong hem long fiuja. Tokbaot hem long ol narafala. (Du 32:3) Sipos yu yu frengud wetem Jehova, bambae hem i Fren blong yu blong olwe.—Sam 73:25, 26, 28.

WAJEM VIDEO YA YANGFALA—“TESTEM MO LUK SE JEHOVA I GUD,” BIAEN ANSA LONG OL KWESTIN YA:

• 

  ?Olsem wanem blong rere blong givim laef long God mo baptaes?

• 

  ?Olsem wanem ol narafala long kongregesen oli save halpem yu blong mekem wok blong Jehova?

• 

  ?Olsem wanem wok blong prij i halpem yu blong frengud moa wetem Jehova?

• 

  ?Wanem ol defren wok we yu save mekem?

• ?Wanem samting long saed blong Jehova we yu laekem?