Risen Blong Ol Ofring

1:3; 2:1, 12; 3:1

Ol ofring, o sakrefaes, we kontrak blong Loa i talem se ol man Isrel oli mas givim, i mekem Jehova i glad, mo oli representem Jisas, mo ransom sakrefaes o ol gudfala samting we oli kamaot long sakrefaes ya.—Hib 8:3-5; 9:9; 10:5-10.

• I no mas gat wan samting i rong long bodi blong olgeta animol we oli yusum blong mekem sakrefaes. Long sem fasin, Jisas i givim bodi blong hem we i stret gud olgeta, olsem wan sakrefaes.—1Pi 1:18, 19

• Sakrefaes ya we i bon fulwan, oli givim fulwan i go long God. Long sem fasin, Jisas i givim hem fulwan i go long Jehova

• Olgeta we oli givim wan ofring blong pis we God i glad long hem, oli gat pis wetem God. Long sem fasin, ol tabu Kristin we oli joen long Kakae Blong Masta, oli gat pis wetem God