OL GUDGUDFALA SAMTING LONG BAEBOL | LEVITIKAS 4-5
Givim Beswan Blong Yu Long Jehova
Long Isrel, sipos wan man i pua, hemia i no blokem hem blong i mekem pis wetem Jehova. Man we i pua tumas tu i save givim wan ofring we Jehova i glad long hem, nomo se ofring ya i mas beswan blong hem. Hem i save givim flaoa, be Jehova i wantem se flaoa ya i “nambawan,” wan flaoa we hem i yusum taem i kuk blong ol haeman. (Je 18:6) Tede, Jehova i akseptem ol beswan “sakrefaes we yumi givim i go long hem blong presem hem,” nomata sipos situesen blong yumi i mekem se yumi save givim smol nomo.—Hib 13:15.
?Olsem wanem hemia i enkarejem yu sipos yu no naf blong mekem evri samting olsem bifo, maet from we helt blong yu i stap kam nogud o yu no moa gat paoa?