LAEF BLONG OL KRISTIN
Soem Lav Taem Yu Sapotem Wei Blong Jehova Blong Stretem Man
Fasin blong putumaot man i protektem kongregesen mo i wan rod blong stretem man we i mekem sin. (1Ko 5:6, 11) Taem yumi sapotem fasin blong Jehova blong stretem man, yumi stap soemaot lav. ?Olsem wanem i soem lav taem samting ya i mekem ol famle mo kot komiti i harem nogud?
Yumi soem lav from tabu nem blong Jehova mo ol tabu rul blong hem. (1Pi 1:14-16) Yumi soem lav tu long man ya we i disfelosip. Nating se man i harem nogud taem oli stretem hem, be fasin ya i save mekem hem i “gat pis mo stret fasin.” (Hib 12:5, 6, 11) Taem yumi joen wetem wan man we i disfelosip o we i no moa wantem stap olsem wan Witnes, yumi stap blokem Jehova blong i stretem man ya. Tingbaot se Jehova i stap stretem ol man blong hem “go kasem mak we i stret” long olgeta. (Jer 30:11) Yumi hop se man ya bambae i kambak long Jehova, Papa blong yumi we i gat lav, taem yumi sapotem fasin blong hem blong stretem man mo yumi gohed blong frengud wetem Hem.—Aes. 1:16-18; 55:7.
WAJEM VIDEO YA STAP TRU FULWAN LONG GOD, BIAEN ANSA LONG OL KWESTIN YA:
?Wanem filing blong ol Kristin perens taem wan pikinini i lego Jehova?
?Olsem wanem kongregesen i save sapotem ol Kristin famle ya?
?Wanem stori long Baebol we i soem se i impoten blong holemstrong long Jehova i bitim famle?
?Olsem wanem yumi soem se yumi holemstrong long Jehova i bitim famle?