Aplae Long Skul Blong Ol Man Blong Talemaot Kingdom

?Yu yu gat bitwin 23 mo 65 yia mo yu mekem wok blong Jehova fultaem? ?Yu gat gud helt, mo yu naf blong go long eni ples we i gat bigfala nid? Sipos yu ansa yes, ?yu gat tingting blong aplae long Skul Blong Ol Man Blong Talemaot Kingdom? Stat long faswan klas, plante taosen kapol, singel brata mo sista oli bin aplae. Be, mifala i nidim moa ol singel brata blong aplae. Yu save askem Jehova blong i mekem yu yu wantem tumas blong mekem hem i glad, mo blong folem fasin blong Pikinini blong hem. (Sam 40:8; Mt 20:28; Hib 10:7) Biaen yu save tingbaot sam rod blong daonem sam wok o kaon we yu gat, blong yu naf blong go long skul ya.

?Wanem sam rod we i open long olgeta we oli bin go long skul ya? Samfala oli sanem olgeta i go long ol eria we oli toktok narafala lanwis o blong oli prij long ol pablik ples long ol bigfala taon. Sam narafala, wanwan taem oli mekem wok blong eria elda, o oli kam eria elda, o oli kam misinari. Taem yu stap tingbaot ol wok blong Jehova we yu save mekem, i gud yu tingbaot tok ya blong profet Aesea we i se: “!Mi ya! !Yu sanem mi!”—Aes 6:8.

WAJEM VIDEO YA OL MISINARI—OL MAN BLONG HAVEST, BIAEN YU ANSA LONG OL KWESTIN YA:

• 

  ?Olsem wanem oli jusum ol misinari?

• 

  ?Wanem gudfala wok we ol misinari oli stap mekem?

• 

  ?Wanem sam blesing we ol misinari oli kasem?