Lukaot Gud Long Mared Blong Yu

Jehova i tinghae long promes blong mared. Hem i talem se hasban mo waef i mas joen gud tugeta. (Mt 19:5, 6) Plante man blong God oli gat wan hapi mared laef. Nating se i olsem, i no gat wan mared we i stret gud. Samtaem i gat problem. Be yumi no mas gat tingting wol se, taem wan kapol i gat problem, oli save seraot o divos. ?Olsem wanem ol Kristin oli save lukaot gud long mared blong olgeta?

Tingbaot ol faef impoten poen ya.

1. Lukaot gud long hat. Blokem fasin blong pleplei wetem filing blong narafala, mo ol doti samting blong harem gud we oli save spolem mared.—Mt 5:28; 2Pi 2:14.

2. Frengud moa wetem God, mo gohed blong mekem hem i glad long mared blong yu.—Sam 97:10.

3. Gohed blong wokem ol gudfala fasin, mo mekem sam smol samting blong mekem patna blong yu i glad.—Kol 3:8-10, 12-14.

4. Gohed blong toktok gud tugeta wetem respek.—Kol 4:6.

5. Givim samting we patna blong yu i nidim wetem kaen fasin mo lav.—1Ko 7:3, 4; 10:24.

Taem ol Kristin oli tinghae long mared, oli stap ona long Jehova we i Stamba blong mared.

WAJEM VIDEO YA YUMI MAS ‘STANAP STRONG MO RON’—FOLEM GUD OL RUL BLONG RESIS, BIAEN ANSA LONG OL KWESTIN YA:

• 

  Nating se wan mared i rongud long stat, ?be wanem i save hapen?

• 

  ?Olsem wanem ol rul blong Baebol oli save halpem olgeta we oli harem se i no gat lav long mared blong olgeta?

• 

  ?Wanem ol rul we Jehova i putum long saed blong mared?

• ?Hasban mo waef i mas mekem wanem blong mared blong tufala i save stap strong?