?Yu Yu Rere From Memoriol?

Laswan Pasova blong Jisas bambae i gat bigfala mining. Bifo we Jisas i ded, hem i plan blong kakae Pasova wetem ol aposol blong hem mo i introdiusum Kakae Blong Masta we oli mas mekem evri yia. Taswe hem i sanem Pita mo Jon blong oli go mekemrere rum. (Lu 22:7-13; yu luk pija long fran pej.) Hemia i rimaenem yumi se yumi mas reregud from Memoriol long 27 Maj. Ol kongregesen oli jusum finis wan brata blong givim tok, bred mo waen, mo sam moa narafala samting. Be, ?yumi wanwan i save mekem wanem blong rere from Memoriol?

Rerem hat blong yu. Ridim mo tingting dip long Baebol riding blong Memoriol. Yu save faenem program ya long Vas Blong Dei, mo blong faenem moa save, yu go long apendiks B12 long Baebol Long Niu Wol Translesen. (Yu luk tu long Kristin Wok Mo Laef Buk Blong Miting blong Eprel 2020.) Mo tu, long taem blong famle wosip, ol famle oli save yusum Watch Tower Publications Index o Buk Blong Mekem Risej blong faenemaot from wanem ransom i impoten.

Invaetem ol narafala. Joen fulwan long kampen blong Memoriol. Tingbaot ol man we yu save invaetem olgeta, olsem ol visit, olgeta we oli bin stadi bifo, ol fren mo famle. Ol elda oli mas meksua se oli invaetem olgeta we oli inaktif. Plis tingbaot se sipos wan man i laef long wan defren eria, yu go long jw.org, yu klik long MIFALA mo yu klik long “Memoriol” blong yu save fanem stret taem mo ples blong Memoriol long eria ya.

?Yumi save mekem wanem moa blong rere?