Gohed Blong Stap Rere Long Las Haf Blong “Ol Las Dei”

Yumi save se bambae i gat plante moa trabol taem yumi stap kam long las haf blong “ol las dei.” (2Ti 3:1; nwtsty stadi not blong Mt 24:8) Taem i gat wan disasta, plante taem ol man blong Jehova oli kasem daereksen long stret taem we i sevem laef blong olgeta. Taem yumi obei long ol daereksen blong rerem yumi naoia, long saed blong spirit mo bodi, hemia i save sevem laef blong yumi long taem blong disasta.—Lu 16:10.

• Rere long saed blong spirit: Gat wan gudfala program. Lanem ol defren rod blong prij. No mas panik sipos yu seraot long ol narafala long kongregesen. (Aes 30:15) Jehova mo Jisas oli stap klosap long yu.—od 176 ¶15-17

• Rere long saed blong bodi: Nating sipos wan famle i gat finis wan disasta bag, be i gud oli karem ekstra kakae, wota, meresin, mo sam narafala impoten samting, from maet i save hapen se oli stap long wan narafala ples blong longtaem.—Pro 22:3; g17.5 4, 6

WAJEM VIDEO YA ?YU YU RERE FROM WAN DISASTA? BIAEN ANSA LONG OL KWESTIN YA:

• 

  ?Olsem wanem yumi save rerem yumi long saed blong spirit from wan disasta?

• 

  ?From wanem i impoten blong:

  • givim kontak blong yumi long ol elda?

  • rerem wan basket wetem ol impoten samting?

  • tokbaot ol defren kaen disasta we oli save hapen, mo wanem blong mekem long taem ya?

• 

  ?Wanem tri rod we yumi save folem blong givhan long olgeta we oli fesem disasta?