Soem Lav Insaed Long Famle

Lav i wan glu we i joenem ol famle. Sipos i no gat lav, bambae i had blong famle i joen mo i toktok gud tugeta. ?Olsem wanem ol hasban, ol waef, mo ol perens oli soemaot lav insaed long famle?

Wan gudfala hasban bambae i tingbaot nid, filing, mo tingting blong waef blong hem. (Ef 5:28, 29) Bambae hem i givim samting we famle i nidim long saed blong bodi mo spirit, hemia i minim tu wan gudfala program blong Famle Wosip. (1Ti 5:8) Wan gudfala waef bambae i putum hem i stap aninit long hasban blong hem mo i soem “bigfala respek” long hem. (Ef 5:22, 33; 1Pi 3:1-6) Tufala tugeta i mas glad blong fofogivim tufala. (Ef 4:32) Wan gudfala perens i soem intres long wanwan pikinini blong hem mo i tijim olgeta blong lavem Jehova. (Du 6:6, 7; Ef 6:4) ?Ol pikinini oli fesem wanem traem long skul? ?Oli mekem wanem taem ol fren oli pulum olgeta blong mekem samting we i no stret? Taem i gat lav insaed long famle, evriwan bambae oli fil sef.

WAJEM VIDEO YA SOEMAOT LAV WE I NO SAVE FINIS INSAED LONG FAMLE, BIAEN ANSA LONG OL KWESTIN YA:

• 

  ?Olsem wanem wan gudfala hasban i soem se i tingbaot mo i kea long waef blong hem?

• 

  ?Olsem wanem wan gudfala waef i soem bigfala respek long hasban blong hem?

• 

  ?Olsem wanem wan gudfala perens i putum Tok blong God long hat blong ol pikinini blong hem?