Tritim Olfala Woman Olsem Mama, Mo Yang Woman Olsem Sista

Baebol i talem se yumi mas tritim ol olfala Kristin, olsem we oli mama mo papa blong yumi mo ol yangfala Kristin olsem ol brata sista blong yumi. (Ridim 1 Timoti 5:1, 2.) Be ol brata oli mas tritim ol sista wetem respek.

Wan brata i no mas pleplei wetem filing o mekem eni samting long wan sista blong mekem hem i fraet. (Job 31:1) Wan singel brata i no mas mekem wan samting we i save givim rong tingting long wan singel sista se, hem i wantem frenem hem.

Ol elda oli mas lesin gud long ol sista, taem oli askem kwestin wetem respek, o taem oli poenemaot wan samting we i nid blong lukluk long hem. Antap moa, ol elda oli mas tingbaot ol sista we oli nogat hasban blong protektem olgeta.—Ru 2:8, 9.

WAJEM VIDEO YA GOHED BLONG SOEMAOT LAV INSAED LONG KONGREGESEN—LONG OL WIDO MO OL PIKININI WE OLI NOGAT PAPA, BIAEN ANSA LONG OL KWESTIN YA:

• 

  ?Olsem wanem kongregesen i soemaot lav long Sista Myint?

• 

  ?Olsem wanem lav ya we oli soemaot i givim wan gudfala witnes long ol man long vilej?

• 

  ?Olsem wanem lav ya we oli soemaot i gat paoa long tufala gel blong Sista Myint?

?Yu save mekem wanem blong soemaot se yu tingbaot ol sista long kongregesen blong yu?