Gohed Blong Trenem Tingting Blong Yu

Wan spot man i mas gohed blong trenem ol masel blong hem blong i save stap fit. Long sem fasin, yumi mas gohed blong trenem tingting blong yumi blong i save wok gud oltaem. (Hib 5:14) Nating se maet i moa isi blong mekem desisen olsem ol narafala, be yumi mas lanem blong yusum tingting blong yumi mo mekem prapa desisen blong yumi. ?From wanem? From we yumi wanwan i mas talemaot from wanem yumi mekem desisen olsem.—Ro 14:12.

Yumi no mas gat tingting ya se bambae yumi mekem ol gudfala desisen from we yumi baptaes plante yia finis. Blong mekem ol waes desisen, yumi mas dipen fulwan long Jehova, Tok blong hem, mo oganaesem blong hem.—Jos 1:7, 8; Pro 3:5, 6; Mt 24:45.

WAJEM VIDEO YA “HOLEMTAET TINGTING WE I KLIN,” BIAEN ANSA LONG OL KWESTIN YA:

• 

  ?Emma i mas mekem wanem desisen?

• 

  ?From wanem yumi no mas talemaot prapa tingting blong yumi, taem narafala i askem advaes?

• 

  ?Wan kapol i givim wanem waes advaes long Emma?

• 

  ?Weples Emma i faenem infomesen blong halpem hem long situesen blong hem?