Lesen We Yumi Lanem Long Laef Blong Samuel

Samuel i holemstrong long Jehova long ful laef blong hem. Taem hem i wan smol boe, hem i no wantem folem nogud fasin blong tufala boe blong Ilae, hemia Hofni mo Finehas. (1Sa 2:22-26) Taem Samuel i stap gruap, Jehova i gohed blong stap wetem hem. (1Sa 3:19) Taem hem i kam olfala, hem i gohed blong mekem samting we Jehova i wantem, nating se ol boe blong hem oli mekem samting we i no stret.—1Sa 8:1-5.

?Yumi lanem wanem long eksampol blong Samuel? Sipos yu yu wan yangfala, tingbaot se Jehova i kasemsave long ol filing blong yu mo long ol traem we yu stap fesem. Hem i save halpem yu blong yu stanap strong. (Aes 41:10, 13) Sipos yu yu wan perens we pikinini blong yu i lego trutok, i gud yu tingbaot se Samuel i no save fosem ol pikinini blong hem we oli bigman finis, blong oli folem ol loa blong Jehova. Hem i putum ol problem blong hem long han blong Jehova, i holemstrong long hem, mo i mekem samting we Jehova i glad long hem. Maet gudfala eksampol blong yu bambae i pulum pikinini blong yu blong i kambak long Jehova.

WAJEM VIDEO YA LANEM SAMTING LONG OLGETA—SAMUEL, BIAEN ANSA LONG OL KWESTIN YA:

• 

  ?Olsem wanem Samuel i soem se hem i gat strong tingting, nating se hem i wan boe nomo?

• 

  ?Olsem wanem Danny i soemaot se hem i gat strong tingting?

• 

  ?Olsem wanem Samuel i soem wan gudfala eksampol taem hem i kam olfala?

• 

  ?Olsem wanem perens blong Danny i soem wan gudfala eksampol?