OL SAS SAMTING LONG BAEBOL

Jusum Gud Boe o Gel We Bambae Yu Maredem

Solomon i no waes taem i maredem ol woman we oli wosipim ol giaman god (1Ki 11:1, 2; w18.07 16 ¶7)

Ol waef blong Solomon oli pulum hat blong hem i gowe long Jehova (1Ki 11:3-6; w19.01 15 ¶6)

Jehova i kros long Solomon (1Ki 11:9, 10; w18.07 17 ¶9)

Pija: Wan singel sista i stap mekem prapa stadi blong hem mo i stap tingbaot wan singel brata. 1. Brata ya i givim ansa long wan miting blong kongregesen. 2. Hem i joen blong prij long pablik ples. 3. Hem i givhan blong klinim Haos Kingdom.

Baebol i givim advaes long ol yangfala Kristin blong oli mared nomo long “wan man blong Masta.” (1Ko 7:39) Taem wan man i baptaes, hemia i no min se bambae hem i wan gudfala hasban o waef. ?Bambae hem i halpem yu blong gohed blong wosipim Jehova fulwan? ?Hem i soemaot long laef blong hem finis se hem i rili lavem Jehova? Bifo we yu agri blong maredem hem, i gud yu tekem taem blong savegud hem.