Mared i Blong Olwe

Taem mared blong wan Kristin kapol i stap strong, tufala i glad mo tufala i ona long Jehova. (Mk 10:9) Sipos wan Kristin i wantem se mared blong hem i stap longtaem mo i hapi, hem i mas folem gud ol rul blong Baebol taem hem i jusum boe o gel we hem i wantem maredem.

Yu no mas fren kasem we yu “pastru long yang taem” blong yu, from we long ol taem ya ol filing blong seks oli strong nao yu no save mekem gudfala desisen. (1Ko 7:36) I gud yu yusum gud yang taem blong yu blong fren gud wetem God, mo wokem ol gudfala Kristin fasin. Olsem nao, bambae yu naf blong mekem sam moa samting blong mared blong yu i stap strong.

Bifo we yu agri blong maredem wan boe o gel, i gud yu tekem taem blong savegud “ol samting we oli stap long hat” blong hem. (1Pi 3:4) Sipos yu makem sam samting we i save mekem problem i kamaot long fiuja, i gud yu tokbaot wetem boe o gel we wantem maredem. Olsem ol narafala frensip, insaed long mared, yu mas tingbaot moa samting we yu save givim long hasban o waef blong yu, i bitim we yu tingbaot samting we bambae yu kasem. (Fil 2:3, 4) Sipos yu stat blong folem ol rul blong Baebol bifo we yu mared, hemia i olsem wan gudfala fandesen blong gat wan hapi mared.

WAJEM VIDEO YA RERE FROM MARED—PAT 3: “KAONTEM PRAES BLONG OL SAMTING,” BIAEN ASKEM OL KWESTIN YA:

• ?Long stat, frensip blong sista ya mo Shane i olsem wanem?

• ?Hem i makem wanem taem hem i stat blong savegud Shane?

• ?Olsem wanem perens blong hem i halpem hem, mo hem i mekem wanem waes desisen?