LAEF BLONG OL KRISTIN
Jehova i Stap Givhan Long Yumi Blong Gotru Long Ol Trabol
Long ol las dei ya, yumi kasem plante trabol. Maet samtaem yumi harem se yumi no moa save stanap strong. Be sipos yumi gohed blong kam klosap moa long Jehova, bambae hem i halpem yumi blong gotru long ol trabol, nating se oli bigwan tumas. (Aes 43:2, 4) ?Olsem wanem yumi save kam klosap long Jehova taem yumi fesem ol trabol ya?
Prea. Taem yumi prea wetem fulhat blong yumi, Jehova i givim pis long tingting, mo paoa blong stanap strong.—Fil 4:6, 7; 1Te 5:17.
Ol Miting. Naoia, i bitim olgeta taem bifo, yumi nidim ol save blong Baebol mo kampani blong ol brata mo sista, we Jehova i givim long ol miting. (Hib 10:24, 25) Taem yumi rere gud, mo yumi go long ol miting, mo yumi ansa, yumi harem gud fulwan long help we spirit blong Jehova i givim.—Re 2:29.
Prij. Sipos yumi stap bisi oltaem long wok blong prij, bambae i isi moa blong putum tingting blong yumi long ol gudfala samting. Mo tu, yumi fren gud wetem Jehova mo ol brata mo sista.—1Ko 3:5-10.
WAJEM VIDEO YA JEHOVA BAMBAE I KEA GUD LONG YU, MO ANSAREM OL KWESTIN YA:
?Wanem i givhan long Malu, blong hem i stap klosap long Jehova tru long ol trabol?
?Olsem wanem ol tok blong Ol Sam 34:18 i save kamfotem yumi, olsem i mekem long Malu?
?Olsem wanem stori blong Malu i soemaot se Jehova i stap givim “paoa ya we i bigwan bitim mak,” taem yumi fesem bigfala trabol?—2Ko 4:7