!Spesel Kampen Long Septemba Blong Talemaot Kingdom Blong God!

Long Septemba bambae i gat wan spesel kampen, bambae yumi soemaot long ol man se Kingdom blong God nomo i naf blong finisim ol problem blong ol man. (Mt 24:14) ?Yu save mekem wanem blong sapotem kampen ya? Long manis ya i gud yu traehad blong kasem plante man mo serem wan vas we i tokbaot Kingdom blong God. Sipos yu faenem wan man we i intres, givim wan kopi blong Wajtaoa pablik N. 2 2020. Biaen, traehad blong visitim hem kwiktaem mo traem statem wan Baebol stadi wetem hem long buklet ya !Enjoem Laef Olwe! Olgeta we oli wantem mekem haftaem paenia long manis Septemba, oli save jusum blong mekem 15 o 30 aoa.

I no longtaem Kingdom blong God bambae i spolem ol gavman we oli stap agensem hem. (Da 2:44; 1Ko 15:24, 25) !I gud yumi yusum janis ya blong soemaot se yumi sapotem Jehova mo Kingdom blong hem!