LAEF BLONG OL KRISTIN
Jehova i Sevem Olgeta We Tingting Blong Olgeta i Foldaon
Yumi evriwan i save harem nogud, be hemia i no min se yumi no bilif long Jehova. Samtaem, Jehova tu i ekspiriensem fasin ya blong harem nogud. (Jen. 6:5, 6) Be ?olsem wanem sipos yumi harem nogud tumas blong longtaem?
Prea Long Jehova From help. Jehova i glad tumas blong save ol filing blong yumi. Hem i kasemsave taem yumi hapi mo taem yumi harem nogud. Hem i savegud from wanem yumi tingting mo filim olsem. (Sam 7:9b) Mo samting we i impoten moa hemia se, Jehova i kea long yumi mo i wantem blong halpem yumi blong dil wetem filing ya blong harem nogud o dipresen.—Sam 34:18.
Protektem Tingting Blong Yu. Ol negatif filing we yumi gat i save mekem tingting i foldaon, mo yumi no moa glad, be tu i save spolem fasin fren blong yumi wetem Jehova. From samting ya, yumi wantem protektem gud hat blong yumi, hemia ol tingting mo filing blong yumi.—Pro 4:23.
WAJEM VIDEO YA OL BRATA BLONG YUMI OLI GAT PIS NATING SE OLI GAT SIK YA DIPRESEN, MO ANSAREM OL KWESTIN YA:
?Wanem aksen we Nikki i mekem blong dil wetem dipresen?
?From wanem Nikki i filim se hem i nidim blong kasem help long dokta?—Mt 9:12
?Nikki i mekem wanem blong dipen long Jehova blong i halpem hem?