LAEF BLONG OL KRISTIN
Ol Perens, Halpem Pikinini Blong Kasem Waes Blong God
Beswan rod blong halpem pikinini blong kasem waes blong God, hemia blong tijim olgeta blong oli lanem ol gudfala samting long ol miting. Samting we oli luk, harem, mo talem long ol ansa blong olgeta, bambae i halpem olgeta blong lanem moa long saed blong Jehova mo kam klosap long hem. (Du 31:12, 13) Sipos yu wan papa o wan mama, ?olsem wanem yu save halpem pikinini blong yu blong lanem moa samting long ol miting?
Traem bes blong yu blong go long ol miting long Haos Kingdom.—Sam 22:22
I gud yu spenem taem wetem ol brata sista, bifo mo afta long miting.—Hib 10:25
Meksua se wanwan long famle i gat kopi blong buk we bambae yumi yusum long miting, nomata se oli printim o i stap long divaes
Halpem pikinini blong rerem wan ansa long prapa toktok blong hem.—Mt 21:15, 16
Tokbaot ol gudfala samting long saed blong miting mo ol tijing we yumi kasem
Halpem ol pikinini blong mekem ol defdefren samting olsem klinim Haos Kingdom, mo blong storian wetem ol olfala long kongregesen
I gat plante samting we yu mas mekem blong halpem pikinini blong i kam klosap long Jehova, mo samtaem yu save harem se yu no naf blong mekem. Be yu save sua se Jehova bambae i halpem yu.—Aes 40:29.
WAJEM VIDEO YA OL PERENS, TRASTEM JEHOVA MO PAOA BLONG HEM, MO ANSAREM OL KWESTIN YA:
?From we Zack mo Leah i taet, hemia i afektem tufala olsem wanem?
?From wanem ol perens oli mas lukluk i go long Jehova blong kasem paoa?
?Olsem wanem Zack mo Leah i dipen long Jehova blong givhan long tufala?