LAEF BLONG OL KRISTIN
Ol Perens, Tijim Pikinini Olsem Wanem Blong Mekem Jehova i Glad
Ol pikinini oli sas tumas long ae blong Jehova. Hem i luk ol traehad we oli stap mekem blong kam klosap long hem mo stanap strong. (1Sa 2:26; Lu 2:52) Nating se oli pikinini nomo, be ol gudfala fasin blong olgeta i save mekem hat blong Jehova i glad. (Pro 27:11) Jehova i givim sam nambawan tul tru long oganaesesen blong hem. Ol tul ya oli halpem ol perens blong tijim pikinini blong lavem mo obei long Jehova.
WAJEM VIDEO YA, OL YANGFALA—!TAEM YUFALA I STANAP STRONG, JEHOVA I GLAD TUMAS! BIAEN ANSA LONG OL KWESTIN YA:
?Jehova i mekem wanem blong givhan long ol yangfala long ol yia we i pas?
?Wanem sam long ol tul we yumi gat naoia we i save givhan long ol perens?
Sipos yu yu wan yangfala, ?wanem sam long ol buk mo video we oli bin givhan long yu? ?Oli givhan olsem wanem?