God i Kea Long Yu
BAEBOL i beswan ples we yumi save kasem advaes long hem, from we i kamaot long God. Buk ya i no wan buk blong meresin, be ol advaes blong hem oli save halpem yumi long ol defren rod. Eksampol, taem i gat ol had situesen, tingting i fasfas, yu harem nogud, mo taem yu gat problem long saed blong bodi mo tingting.
Antap moa, Baebol i soemaot se samting we i moa impoten, hemia se Krieta blong yumi Jehova Goda i kasemsave ol tingting mo ol filing blong yumi i bitim eni narafala man. Hem i wantem tumas blong halpem yumi blong dil wetem ol problem we yumi stap fesem. Hemia sam eksampol we i soemaot samting ya:
“Jehova i stap klosap long olgeta we hat blong olgeta i brok, hem i sevem olgeta we tingting blong olgeta i foldaon.”—OL SAM 34:18
“From we mi, Jehova God blong yu, mi stap holem raethan blong yu, mi nao mi stap talem long yu se: ‘Yu no fraet. Mi bambae mi halpem yu.’”—AESEA 41:13
Be sipos tingting blong yumi i trabol, ?olsem wanem Jehova i save givhan? Long ol haf we bambae i kamaot biaen, bambae yumi luk ol defren samting we Jehova i mekem blong soemaot se hem i kea long yumi.
a Jehova i prapa nem blong God.—Ol Sam 83:18.