Ol Faet—?Kingdom Blong God Bambae i Mekem Wanem?

Raon long wol, ol faet oli spolem gud plante samting, i mekem ol man oli harem nogud, mo oli safa. Traem luk samting we sam ripot oli talem:

• “Las yia, namba blong ol man we oli ded long ol faet i bigwan moa i bitim ol 28 yia we i pas, hemia from ol faet we i hapen long Itiopia mo Yukren.”—Peace Research Institute Oslo, 7 Jun 2023.

• “Faet we i hapen long Yukren, i wan long ol faet we i moa nogud long 2022. Las yia, raon long wol, problem we i kamaot from politik i go antap long 27% mo i afektem klosap 1.7 bilian man.”—The Armed Conflict Location & Event Data Project (ACLED), 8 Februari, 2023.

Be Baebol i givim hop. Hem i talem se “God blong heven bambae i stanemap wan kingdom we bambae i neva foldaon.” (Daniel 2:44) Yes, Kingdom o gavman blong God bambae i “finisim ol wo long olgeta ples long wol.”—Ol Sam 46:9.