?Hu Man We Yu Save Trastem?—?Baebol i Talem Wanem?

Plante man oli harem nogud from we oli no moa save trastem ol man we oli gat ol hae posisen. Plante man oli no moa trastem . . .

• ol lida blong politik we oli tingbaot olgeta nomo.

• ol man we oli stap toktok long nius we oli talem sam samting we i no tru.

• ol saentis we oli no givhan long ol man.

• ol lida blong jej we oli bisi blong sapotem politik i bitim we oli mekem wok blong God.

I stret nomo blong tingting gud mo no kwik blong trastem ol narafala. Baebol i givim woning ya se:

• “Yufala i no mas trastem ol lida blong wol ya. Olgeta oli no save sevem yufala.”—Ol Sam 146:3, Baebol Long Bislama.

Wan man we yu save trastem

Baebol i tokbaot wan man we yu save trastem, hemia Jisas Kraes. Jisas i no jes wan gudfala man we i bin laef bifo. Be God i putumap hem blong i rul tu olsem wan King, mo “Kingdom blong hem bambae i no save finis samtaem.” (Luk 1:32, 33) Jisas i King long Kingdom blong God, hemia wan gavman we i stap long heven mo i stap rul finis.—Matiu 6:10.

• Blong faenemaot from wanem yu save trastem Jisas, ridim tufala atikol ya “?Hu i King Blong Kingdom Ya?” mo “?Kingdom Blong God Bambae i Mekem Wanem?”