?Yu Ting Se God i Gat Wan Prapa Ples Blong Hem?

Ansa we Baebol i givim

Yes. God i gat wan prapa ples blong hem, hemia long heven. Yu traem luk ol vas ya:

Long wan prea we King Solomon i mekem, hem i talem se: “Nating we yu yu stap long hom blong yu long heven, be plis yu harem prea blong hem.”—1 King 8:43.

Jisas Kraes i tijim ol disaepol blong oli prea olsem: “Papa blong mifala long heven.”—Matiu 6:9.

Afta we Jisas i laef bakegen, “hem i go insaed long heven stret, mo naoia hem i stap stanap long fes blong God blong toktok long saed blong yumi.”—Hibrus 9:24.

Ol vas ya oli soemaot klia se Jehova God i wan trufala man mo hem i stap long heven nomo.