Futnot

a Sam Kristin we oli mekem wok long hospital oli mas tingbaot hu i bos. Wan dokta i gat raet blong odarem meresin no sam narafala samting blong wan sikman. Be, wan Kristin dokta we i bos mo we i savegud ol loa blong Baebol, i no save givim oda blong putum blad long wan sikman no blong kilim wan pikinini i ded long bel, nating se sikman ya i no kea. Long defren fasin, wan nes we i wok long hospital ya, ating i no bos olsem. Taem hem i goraon long ol sikman, maet wan dokta i talem long hem blong karem blad blong wan sikman blong mekem tes long hem no blong lukaot long wan woman we i kam long hospital blong dokta i kilim pikinini long bel blong hem. Folem eksampel we i stap long 2 King 5:​17-​19, maet samting ya i lidim nes blong ting se from we i no hem we i bos mo we i givim oda blong putum blad long sikman no kilim pikinini long bel, hem i save gohed nomo blong mekem wok blong hem blong lukaotem sikman. Be bambae hem i mas tingbaot tingting blong hem wan we i jajem hem, long rod ya bambae ‘hem i no harem se hem i mekem wan samting we i stikim hem, se hem i mekem i rong long fes blong God.’​—Ol Wok 23:⁠1.