Futnot

a Tok blong Jisas i halpem yumi blong stretem ol rong tingting we sam Baebol oli givim olsem mining blong tok ya “stap.” Sam Baebol oli tanem tok ya se “stap kam,” “seken kaming,” no “kambak” we ol tok ya oli soemaot wan samting we i hapen blong sot taem nomo. Tingbaot. Jisas i no talem se taem we hem i “stap” i olsem taem we Bigfala Wota i foldaon mo i kavremap wol. Nogat. Bigfala Wota ya hem i wan samting we i hapen long wan stret taem insaed long wan longfala taem. Defren nao, Jisas i talem se taem ya we hem i “stap” i sem mak long “taem blong Noa,” hemia wan longfala taem we insaed long taem ya i gat plante samting oli hapen. Olsem longfala taem ya long taem blong Noa, taem ya we Jisas i “stap” i wan longfala taem we ol man oli save bisi long ol samting blong laef blong olgeta evri dei nao oli no moa tingbaot ol woning we oli kamaot.