Futnot

a Maet wan Kristin i gat masket blong sutum anamol blong kakae, no blong sutum ol wael anamol. Be taem hem i no stap yusum masket ya, hem i mas tekemaot ol bolet long hem, mo i gud hem i tektekemaot ol haf blong masket tu, mo i lokem olgeta insaed long wan ples we man i no save faenem. Long sam ples, folem loa, i tabu blong gat wan masket, mo long sam narafala ples, gavman i putum ol rul we man i mas folem blong i save gat wan masket. Ol Kristin oli obei long ol loa ya.—Rom 13:1.