Wajtaoa LAEBRI LONG INTENET
Wajtaoa
LAEBRI LONG INTENET
Bislama
  • BAEBOL
  • OL BUK
  • OL MITING
  • lfb stori 103 p. 238-p. 239 haf 2
  • “Yu Mekem Kingdom Blong Yu i Kam”

I no gat video yet long haf ya.

Sori, i gat problem taem i stap lodem video ya.

  • “Yu Mekem Kingdom Blong Yu i Kam”
  • ?Yu Lanem Wanem Long Ol Stori Blong Baebol?
  • Sem Samting
  • ?Wanem Stampa Tingting Blong God Long Saed Blong Wol Ya?
    ?Wanem Samting We God i Wantem Yumi Blong Mekem?
  • ?God i Wantem Se Laef Blong Ol Man i Olsem Wanem?
    ?Baebol i Tijim Wanem?
  • Laef i Kam Had
    Buk Blong Ol Baebol Stori
  • ?Wanem Stamba Tingting Blong God Long Saed Blong Wol Ya?
    ?Wanem Samting We Baebol i Rili Tijim?
Luk Moa Samting
?Yu Lanem Wanem Long Ol Stori Blong Baebol?
lfb stori 103 p. 238-p. 239 haf 2
Ol bigman mo ol pikinini oli harem gud blong laef long Paradaes

STORI 103

“Yu Mekem Kingdom Blong Yu i Kam”

Jehova i promes se: ‘Bambae ol man oli no moa krae, oli no moa harem i soa, oli no moa sik, mo oli no moa ded. Bae mi ravemaot wota blong ae blong olgeta. Ol nogud samting we oli hapen bifo, bae oli no moa tingbaot.’

Jehova i putum Adam mo Iv long garen blong Iden, blong tufala i glad, mo tufala i stap long pis. Tufala i mas wosipim Papa blong tufala long heven, mo fulumap wol wetem ol pikinini. Be tufala i no obei long Jehova. Nating se i olsem, tingting blong Jehova i no jenis. Yumi luk finis long buk ya se evri promes blong Jehova i stap kamtru. Kingdom blong God bambae i mekem se wol i kasem ol nambawan blesing, olsem we hem i promes long Ebraham.

Ol bigman, ol pikinini, mo ol wael anamol long Paradaes

I no longtaem, Setan, ol rabis enjel, mo ol rabis man bambae oli lus. Olgeta man we oli stap laef long taem ya bambae oli wosipim Jehova. Bambae yumi no moa sik mo ded. Be evri dei bambae yumi wekap we bodi blong yumi i gat fulap paoa, mo yumi glad blong stap laef. Wol bambae i kam wan paradaes. Evriwan bambae oli gat gudfala kakae, mo gudfala haos. Ol man bambae oli kaen, bambae oli no spolem ol narafala mo kilkilim olgeta. Ol wael anamol bambae oli no fraet long yumi, mo yumi tu bambae yumi no fraet long olgeta.

Bambae yumi glad bitim mak taem Jehova i stat blong mekem ol man oli laef bakegen. Bambae yumi welkamem ol man blong bifo, olsem Ebel, Noa, Ebraham, Sera, Moses, Rut, Esta, mo Deved. Olgeta ya bambae oli joen wetem yumi, blong mekem wol ya i kam paradaes. Mo oltaem bambae i gat plante gudfala wok blong mekem.

Jehova i wantem se yu tu yu stap long niufala wol ya. Bambae yu kasem save plante moa samting long saed blong hem, we yu neva tingbaot bifo. !I gud yu kam klosap moa long Jehova evri dei, mo yu gohed blong mekem olsem, gogo i no save finis!

“Jehova, God blong mifala, i stret nomo blong yu kasem glori, ona, mo paoa, from we yu yu mekem olgeta samting.”—Revelesen 4:11

Ol Kwestin: ?Olsem wanem Kingdom blong God bambae i jenisim laef blong ol man long wol ya?

?Weswan long ol man long buk ya we yu yu wantem storian wetem hem long Paradaes?

Revelesen 21:3, 4; Job 33:25; Ol Proveb 2:21, 22; Aesea 11:2-10; 33:24; 65:21; Matiu 6:9, 10; Jon 5:28, 29; 17:3

    Ol buk long Bislama (1987-2026)
    Logaot
    Login
    • Bislama
    • Serem
    • Setemap Olsem Yu Wantem
    • Copyright © 2025 Watch Tower Bible and Tract Society of Pennsylvania
    • Ol Rul
    • Privacy Policy
    • Privacy Settings
    • JW.ORG
    • Login
    Serem