?Yu Yu Stap Jekem Notisbod Oltaem?

Ol elda, ol man blong givhan, mo ol narafala brata we oli gat wok long kongregesen, oli jekem notisbod oltaem blong luk sipos oli gat wan wok blong mekem. Be ol mesej long notisbod oli blong yumi evriwan long kongregesen. ?Olsem wanem? ?Yu yu save wetaem grup blong yu bambae i klinim Haos Kingdom? Maet eria elda no branj ofis i sanem sam impoten leta i kam long kongregesen blong yu, ?yu ridim ol leta ya finis? ?Yu save nem blong pablik tok blong wik ya? Sipos yu save, bambae yu singaot Baebol stadi blong yu i kam blong lesin long pablik tok ya. ?Yu yu jekem finis sipos i gat sam jenis long grup blong prij? Yumi mas tingbaot se, ol mesej ya oli no moa stap talemaot long taem blong miting. Mo tu, i no isi long ol elda blong goraon oltaem blong talemaot ol mesej ya long yumi wanwan. Taswe, i gud yumi jekem ol mesej long notisbod oltaem. Long rod ya, bambae yumi “mekem olgeta samting long fasin we i stret gud.”—1 Kor. 14:40.