?Wanem beswan presen we yu save givim long ol pikinini blong yu? Olgeta oli nidim plante samting. Oli nidim we yu lavem olgeta, yu lidim gud olgeta, mo yu lukaot gud long olgeta. Be beswan presen we yu save givim long olgeta, hemia save blong Jehova mo trutok we i stap long Baebol. (Jon 17:3) Taem ol pikinini blong yu oli gruap wetem ol save ya, samting ya bambae i givhan long olgeta blong oli lavem Jehova. Nao bambae oli wantem tumas blong mekem wok blong Jehova, nating se oli smol yet.—Matiu 21:16.

Plante papa mo mama oli luksave se ol smol pikinini blong olgeta oli lanem samting moa taem ol lesen oli sot nomo. Taswe, mifala i glad blong wokem buk ya Baebol Lesen Blong Mi. Evri lesen wanwan i blong tijim pikinini long fasin we isi nomo. Ol pija mo ol toktok long buk ya oli stret long ol pikinini we oli gat samwe long tri yia. Long ol lesen wanwan, mifala i putum sam samting we yu save mekem wetem pikinini blong yu. Buk ya i no wan pleplei blong ol pikinini. Be hem i blong yu ridim wetem ol pikinini blong yu, mo blong yu storian gud wetem olgeta.

Mifala i sua se buk ya bambae i givhan long yu blong tijim ol pikinini blong yu long ol trutok blong Baebol taem oli smol yet.—2 Timoti 3:14, 15.

Ol brata blong yufala,

Hed Kampani Blong Ol Witnes Blong Jehova

?Hu i mekem graon?

?Hu i mekem solwota?

?Hu i mekem yu mo mi?

?Hu i mekem bataflae wetem ol naesfala wing blong hem?

Jehova God i mekem olgeta samting.

SAMSAMTING BLONGMEKEM

Ridim vas ya long pikinini blong yu:

Revelesen 4:11

Askem long hem blong i soem:

Sta Klaod San

Bot Fis Haos

Solwota Bataflae

Askem long hem se:

?Wanem nem blong God?

?Jehova i stap wea?

?Wanem ol samting we hem i mekem?

Yu luk ol anamol klosap long sip blong Noa.

Weswan i singaot se: Mooo, mo weswan i singaot se: !Wuf! !Wuf!

Olgeta anamol,ol smosmolwan mo ol bigbigwan,

SAM SAMTING BLONG MEKEM

Ridim vas ya long pikinini blong yu:

Jenesis 7:7-10; 8:15-17

Askem long hem blong i soem:

Bea Dog Elefen

Jiraf Laeon Mangki

Pig Sipsip

Sebra Renbo

Talem long hem blong i singaot olsem ol anamol ya:

Dog Laeon Buluk

Pig Pijin

Deved i harem se fren blong hem i sik.

Ale hem i talem se: “Mi mi save samtingwe bae mi mekem.

Bae mi raetem wan leta blong mekem hem i harem gud, mo bae mi go givim leta ya long hem.”

!Sipos yu yumekem i gud long fren blong yu, bae hem i glad, mo yu tu yu glad!

SAM SAMTING BLONG MEKEM

Ridim vas ya long pikinini blong yu:

1 Pita 3:8

Askem long hem blong i soem:

Haos Tebol Deved

San Pijin Tri

Askem long hem se:

?Yu yu savewanmanwe i sik?

?Yumi save mekem wanem blong hem i harem gud?

Ren i kam.

Tomoko i krae se:

“Mi no save go pleplei afsaed.

?From wanem ren i kam?”

!Be wantaem nomo

san i kamaot mo

ren i finis!.

!Tomoko i glad!

Hem i resis i go afsaed, mo hem i luk ol naesfala flaoa.

Tomoko i talem se: “!Mi no save se God i mekem ren blong ol flaoa oli gru!”

SAM SAMTING BLONG MEKEM

Ridim vas ya long pikinini blong yu:

Ol Wok 14:17

Askem long hem blong i soem:

Windo Pijin Tomoko

Tri Flaoa

Balong Plen

Askem long hem se:

?From wanem Jehova i mekem ren?

Sipos fren blong yu i givim wan presen mo i mekem wan gudfala samting long yu, i gud yu smael long hem, mo yu talem tangkiu.

Long evri ples we yu stap long hem, Yu mas tingbaot oltaem blong talem “!Tangkiu!”

SAM SAMTING BLONG MEKEM

Ridim vas ya long pikinini blong yu:

1 Tesalonaeka 5:18

Askem long hem blong i soem:

Presen Boe

Doa Supsup

Apol Mobaelfon

Askem long hem se:

?From wanem i gud blong talem “Tangkiu”?

Yu traem luk ol fingga blonghan blong yu, mo yu mufmuvum ol fingga blong leg blong yu.

?Wehem sora blong yu? ?Wehem nus blong yu?

?Yu luk leg blong yu? !Yu save resis, yu save jamjam, yu save tantanem yu, mo yu save pleplei!

Yu traem luk yu long glas. ?Yu luk wanem?

!Jehova i mekem yu i gud tumas!

SAM SAMTING BLONG MEKEM

Ridim vas ya long pikinini blong yu:

Ol Sam 139:14

Askem long hem blong i soem:

Fingga blong han Nus

Figga blong leg Maot

Sora Puskat

Krab

Askem long hem se:

?Hu i mekem yu mo mi?