Ol Tok Blong Job i Soemaot Se Hem i Harem Nogud Tumas

Job i lusum evri samting, ol pikinini blong hem oli ded, mo hem i sik tumas, be hem i no lego Jehova. Ale Setan i traem mekem tingting blong hem i foldaon. Tri “fren” blong Job oli kam luk hem. Fastaem, oli mekem plante samting long fored blong ol man blong soemaot sore. Afta, oli sidaon seven dei wetem Job, we oli no toktok nating blong leftemap tingting blong hem. Taem oli toktok, oli talem ol strong tok agensem Job.

Job i holemstrong long Jehova nating se oli tok nogud long hem

6:3; 7:16; 9:20-22; 10:1, 12

• Job i harem nogud tumas, mo samting ya i mekem se hem i no moa gat stret tingting. Hem i ting se God i no kea sipos hem i holemstrong long God no nogat

• From we tingting blong Job i foldaon, hem i no moa tingbaot sam narafala risen blong ol trabol blong hem

• Nating se Job i harem nogud tumas, be hem i talem long ol man we oli agensem hem se hem i lavem Jehova yet