Yusum Ol Kwestin

Matiu 16:13-16

?I MINIM WANEM? Askem ol kwestin we oli soemaot respek blong pulum tingting mo holem intres blong ol man, mekem man i tingting, mo makem gud ol impoten poen.

?OLSEM WANEM BLONG MEKEM?

• Pulum tingting mo holemtaet intres blong ol man. Askem ol kwestin blong mekem man i tingting long samting we yu stap talem, mo blong mekem se i wantem save moa.

• Mekem man i tingting. Askem sam kwestin we oli lidim tingting blong man blong i kasem save wan impoten poen. Hemia bambae i givhan long hem blong i folem gud samting we yu stap eksplenem.

• Makem gud ol impoten poen. Blong go long wan bigfala poen, askem wan kwestin we i pulum ol man blong oli wantem save moa. Afta we yu tokbaot wan impoten poen o long en blong tok blong yu, askem ol kwestin blong tingting bak.