Toktok Kaen Mo Kasem Save Filing Blong Narafala

1 Tesalonaeka 2:7, 8

?I MINIM WANEM? Toktok long fasin we i soemaot se yu lavem ol man mo yu wantem givhan long olgeta.

?OLSEM WANEM BLONG MEKEM?

• Tingbaot ol man we yu toktok long olgeta. Blong rerem tingting blong yu, tingbaot ol trabol we oli fesem. Traem kasem save long filing blong olgeta.

• Jusum gud ol toktok. Traem mekem ol man oli harem gud, leftemap tingting blong olgeta, mo mekem se oli wantem wok. Yu no mas talem ol toktok we i spolem olgeta. Mo i nogud yu tok agensem ol man we oli no stap long trutok mo ol bilif blong olgeta.

• Soemaot se yu kea long ol man. Toktok kaen, muvum han mo bodi long fasin we i stret, smael, mo soemaot long fes blong yu se yu kea.