“Mi Mi Laekem Buk Ya”

Hemia toktok we wan yangfala bisnesman long Yucatán, Meksiko, i talem long saed blong Wekap! Hem i raetem wan leta, i talem se wan Witnes we i wok wetem hem long wan ofis blong insurens, i givim Wekap! long hem.

Hem i tokbaot Wekap! i se: “Buk ya i fulap long save mo trutok. Mi mi laekem buk ya from we hem i no tekem saed long politik, mo i no leftemap sam man antap long ol narafala. Buk ya i bin soemaot rod long mi blong stretem plante trabol. Hem i wan naes buk, i skelemgud ol samting, hem i givim ol niufala save, mo i tijim man. !Mi mi talem tangkiu tumas long yufala!”

Sam yia i pas, Wekap! i tokbaot olsem wanem blong harem gud bakegen afta we wan fren no famle i ded. Biaen, mifala i raetem bakegen ol save ya long wan buk we i gat 32 pej, nem blong hem, Taem Wan We Yu Laekem Hem Tumas i Ded. Maet buk ya i save leftemap tingting blong yu no wan fren blong yu. Yu save askem buk ya sipos yu fulumap pepa ya mo sanem i kam long adres we i stret long ples blong yu.

◻ Plis sanem buklet ya Taem Wan We Yu Laekem Hem Tumas i Ded.

◻ Plis, mi mi wantem se man i kam luk mi blong mekem Baebol stadi wetem mi we mi no pem.