Fasin Joengud Long Fulwol i No Jes Wan Drim

Wan man long Kerala India, i raet i kam long Wekap! i se: “Buk ya blong yufala i moagud long ol narafala buk. Ating i no gat wan samting we yufala i mestem blong tokbaot, yufala i tokbaot olgeta samting. Mi mi laekem moa ol stori long saed blong ol samting raonabaot long yumi we God i wokem.”

I gat wan spesel samting we i mekem se man ya i laekem Wekap! Hem i se: “Mi no ting se i gat wan narafala buk we i gud olsem Wekap! blong givhan long ol man blong ol defdefren kantri blong luksave se oli wan brata nomo. I no gat wan narafala buk we i tokbaot fasin joengud long fulwol. Taem mi skelem buk ya wetem ol narafala buk we mi ridim, mi save talem se Wekap! i rili sas.”

Tok blong man ya i laenap wetem plan blong Wekap! we yu save ridim long pej 4, i se: “Niuspepa ya i no mekem politik, mo hem i neva leftemap ol man blong wan kantri no wan kala antap long ol narafala man.” Antap moa, Wekap! i pulum ol man blong lukluk i go long Bigman we i Wokem yumi, blong faenem ansa long ol bigfala kwestin long laef.

Wan buk we i gat 32 pej blong hem, ?Wanem Samting We God i Wantem Yumi blong Mekem? i pulum yumi long rod ya tu. Long ol 16 japta blong hem, i gat “?God Hem i Hu?,” “?Wanem Stamba Tingting Blong God Long Saed Blong Wol Ya?,” mo “?Wanem Ya Kingdom Blong God?” Yu save kasem buk ya sipos yu fulumap pej ya daon, mo sanem i kam long adres long pej 5 we i stret long ples blong yu.

□ Plis sanem smol buk ya ?Wanem Samting We God i Wantem Yumi Blong Mekem?

□ Plis, mi mi wantem se man i kam luk mi blong mekem Baebol stadi wetem mi we mi no pem.