?Olsem Wanem Ol Witnes Blong Jeova Oli Tijim Baebol Long Man?
Oli tijim Baebol folem ol tingting mo kwestin we plante man oli wantem save long olgeta. Oli yusum buk ya ?Wanem Samting We Baebol i Rili Tijim? we i givhan long man blong stadi long Baebol. Buk ya i gat 19 japta long hem. Hemia sam long ol japta ya:
“?Wanem Trutok Long Saed Blong God?”
“?Hu Ya Jisas Kraes?”
“?Ol Dedman Oli Stap Wea?”
“?Yumi Stap Finis Long ‘Ol Las Dei’?”
“?From Wanem God i Letem Man i Safa?”
“?Olsem Wanem Blong Mekem Famle Blong Yu i Hapi?”
Ol man we oli stadi Baebol, oli save askem ol kwestin mo oli save luk ol ansa we i stap long Baebol. Biaen, folem ol samting we oli lanem long stadi blong olgeta, oli save jusum jos we oli wantem go long hem.
Sipos yu yu wantem stadi Baebol, mo yu wantem buk ya, yu save fulumap pepa ya daon mo sanem i go long adres we i stap aninit no long wan long ol adres we i stap long pej 5 blong magasin ya, we i stret long ples blong yu.
□ Plis sanem buk ya long mi.
□ Plis, mi mi wantem se wan man i kam luk mi blong mekem Baebol stadi wetem mi we mi no pem.