?Yumi Lanem Wanem Long Stori Blong Bigfala Wota We i Ron?

God i spolem ol man nogud be i sevem Noa wetem famle blong hem. Jenesis 7:11, 12, 23

Bigfala ren i foldaon blong 40 dei mo 40 naet, nao wota i kavremap olgeta ples long wol. Olgeta man nogud oli ded.

Ol enjel we oli agensem God oli lego bodi blong olgeta we i olsem man, nao oli kam ol rabis enjel.

Olgeta we oli stap long bigfala sip oli sef. Biaen, Noa, woman blong hem, mo ol pikinini blong hem, oli kam olfala mo oli ded. Nating se i olsem, God bambae i mekem olgeta oli laef bakegen, we oli save laef gogo i no save finis.

Long taem blong yumi tu, God bambae i spolem ol man nogud mo bambae hem i sevem ol gudfala man. Matiu 24:37-39

Setan mo ol rabis enjel oli gohed blong lidim ol man oli go krangke.

Plante man long taem blong yumi oli olsem ol man long taem blong Noa. Oli no wantem we Jehova i lidim olgeta. I no longtaem, bambae Jehova i spolem olgeta man we oli nogud.—2 Pita 2:5, 6.

I gat sam man we oli olsem Noa, oli lesin long God mo oli mekem samting we hem i talem. Olgeta ya, hemia ol Witnes blong Jehova.