?Ol Man We Oli Lesin Long God Bambae Oli Kasem Wanem Blesing?

Bighaf blong ol man we oli ded, God bambae i mekem olgeta oli laef bakegen long wol. Ol Wok 24:15

!Sipos yu lesin long Jehova, bambae yu harem gud long ol nambawan blesing! Yu traem tingbaot ol blesing ya. Bambae bodi blong yu i strong gud. Bambae i no moa gat man i sik mo man we i handikap. Ol man nogud bambae oli lus. Mo bambae yu save trastem olgeta man.

Bambae i no moa gat man we i harem i soa long bodi blong hem, bambae i no moa gat man i harem nogud, mo bambae i no moa gat man i krae. Bambae i no moa gat man we i kam olfala mo i ded.

Bambae yu stap wetem ol famle mo fren blong yu. Laef long Paradaes bambae i nambawan.

Bambae yu no fraet long wan samting. Ol man bambae oli glad we oli glad.

Kingdom blong God bambae i finisim olgeta samting we oli mekem man i harem nogud. Revelesen 21:3, 4