Pepa Blong Lukluk Bakegen Ol Poen Blong Tiokratik Skul

Bambae yumi tokbaot ol kwestin ya long Tiokratik Skul long wik we i stat long Februari 26, 2007. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Jenuware 1 kasem Februari 26, 2007. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]

FASIN BLONG TOKTOK

1. Taem yumi mekem tok, yumi mas soemaot olsem wanem blong mekem ol save long tok ya i wok long laef blong yumi. ?Wetaem mo olsem wanem yumi save mekem olsem?

2. ?From wanem i impoten blong givhan long ol narafala blong oli luksave se tok blong yumi i save givhan long olgeta? ?Olsem wanem yumi save mekem olsem?

3. ?From wanem i impoten blong jusumgud ol wod blong yumi?

4. ?Wanem bambae i givhan long yumi blong yusum ol defren wod long stret fasin?

5. ?Wanem sam gudfala samting we oli kamaot taem yumi yusum wan plan long tok blong yumi, nating sipos plan ya i stap long pepa no long tingting blong yumi nomo?

TOK N. 1

6. ?Sipos wan studen i mas rid long Tiokratik skul, wanem samting hem i mas mekem blong reremgud tok blong hem?

7. ?Wanem samting we i impoten tumas sipos yumi wantem kasem tingting blong Jeova blong laekem fasin we i stret mo agens long fasin we i no stret? (Hib. 5:14)

8. ?Sipos yumi ridim wan stori long Baebol nao yumi ting se maet God i no bin mekem i stret, yumi mas rimemba wanem?

9. ?Taem ol samting we ol man oli wantem i defren long loa blong God, yumi mas mekem wanem?

10. ?Olsem wanem Aesea i pulum tingting i go long Kingdom blong Mesaea mo long man we i mekem rod i rere, Jon Baptaes?

BAEBOL RIDING BLONG WIK

11. ?Wanem ya “kaliko ya we i stap kavremap olgeta man,” mo “samting ya we i stap holem olgeta neson oli stap olsem wan kaliko we oli wivim taet” we Aesea 25:7 (NW ) i tokbaot?

12. ?Olsem wanem ol man oli save ‘luk’ mo ‘harem’ Jeova? (Aes. 30:20, 21, NW )

13. Tru no Giaman: Hesekia i wantem tumas blong hem i save laef sam moa yia. Samting ya nao i pusum hem blong talem prea we i stap long Aesea 38:3.

14. ?Olsem wanem ol man Isrel oli bin wok olsem ol witnes blong Jeova? ?Olsem wanem yumi save mekem olsem olgeta? (Aes. 43:10)

15. ?Folem profet tok blong Aesea 52:11, 12, yumi mas mekem wanem blong “karem ol samting blong yusum long haos blong Hae God”?