Pepa Blong Lukluk Bakegen Ol Poen Blong Tiokratik Skul
Bambae yumi tokbaot ol kwestin ya long Tiokratik Skul long wik we i stat long Eprel 30, 2007. Brata we i lukaot long skul bambae i mekem haf ya blong 30 minit. Bambae yumi lukluk bakegen long ol samting we yumi bin tokbaot, stat long Maj 5 kasem Eprel 30, 2007. [Makemgud: Taem i no gat refrens afta long kwestin, yu nomo yu mas mekem risej blong faenem ansa.—Lukluk buk ya Ministry School, pej 36-37.]
FASIN BLONG TOKTOK
1. ?Olsem wanem yumi save mekem se plan blong tok blong yumi i isi nomo? [be pej 168 haf 4]
2. Talem fo rod blong mekem tok long fasin we i klia nomo. [be pej 170 haf 3–pej 172 haf 4]
3. ?Wanem ol samting we yumi mas tingbaot taem yumi wantem jusum ol poen long tok blong yumi? [be pej 173 haf 1-2]
4. ?Taem yumi mekem wan tok mo yumi yusum ol prapa tok blong yumi, wanem sam gudfala samting we i save kamaot? [be pej 175 haf 2-4]
5. ?From wanem i impoten blong toktok olsem we yumi storian nomo? ?Olsem wanem yumi save wokem fasin ya? [be pej 179 haf 4, bokis; pej 180, bokis]
TOK N. 1
6. ?Sipos wan brata i mas mekem ol bigfala poen blong Baebol riding, olsem wanem hem i save rerem tok blong hem? [be pej 47 haf 3-4]
7. ?Wanem samting we i moa impoten long saed blong ransom blong Jisas, i bitim ol blesing we yumi kasem? [w05 11/1 pej 14 haf 1]
8. ?Taem wan brata i mekem pablik tok, olsem wanem hem i save yusum ol vas blong Baebol we oli stap long plan blong tok? [be pej 53 haf 1-2]
9. ?Wanem mak we Jisas i wantem kasem taem hem i tijim ol man, mo olsem wanem yumi save mekem olsem hem? [be pej 57 haf 1]
10. ?Taem yumi tij, from wanem i gud blong tokbaot tu samting we wan i defren olgeta long narawan? [be pej 57 haf 3-4]
BAEBOL RIDING BLONG WIK
11. ?Olsem wanem yumi save traehad blong folem advaes blong Jeremaea 6:16 blong wokbaot long “ol rod ya we i blong bifo, [we wan] long olgeta i gudfala rod blong folem”?
12. ?From wanem Jeova i jusum pijin ya stok blong givim wan lesen long ol man Isrel we oli no stap tru long hem, mo wanem samting yumi save lanem from? (Jer. 8:7)
13. ?Olsem wanem Jeremaea 15:17 i save gat paoa long tingting blong yumi long saed blong ol lafet mo pleplei tede?
14. ?Olsem wanem ol man oli olsem graon long han blong Jeova, Bigfala Man ya blong Wokem Graonpot? (Jer. 18:5-11)
15. ?Olsem wanem fasin blong raetem nem blong ol neson long wan stret oda long Jeremaea 25:17-26, i gat mining long taem blong yumi?