Tingtingbak Blong Tiokratik Skul

Bambae yumi tokbaot ol kwestin ya long Tiokratik Skul long wik we i stat long Eprel 27, 2009. Brata we i lukaot long skul bambae i mekem haf ya blong 20 minit. Bambae yumi lukluk bakegen long ol samting we yumi bin tokbaot, stat long Maj 2 kasem Eprel 27, 2009.

1. ?Josef i mekem wanem blong winim wan traem we hem i stap fesem evri dei? (Jen. 39:7-12) [lv pej 105-106 haf 18-20]

2. ?Baebol i talem wanem long saed blong ol betde? (Jen. 40:20-22) [lv pej 150-151 haf 9-11]

3. ?Olsem wanem nambawan eksampol blong Josef i save givhan long yumi blong fogivim ol man we oli mekem sin agensem yumi? (Jen. 45:4, 5) [w99 1/1 pej 31 haf 2-3]

4. ?Tok ya blong Josef se: “Yufala i karem ol bun blong mi i go wetem yufala,” i gat wanem paoa long ol laen blong Isrel? (Jen. 50:25) [w07 6/1 pej 30 haf 10]

5. ?Wanem i save givhan long yumi blong trastem se yumi save mekem wan wok? (Eks. 4:10, 13) [w04 3/15 pej 25 haf 5]

6. ?Wanem i kamaot taem Jeova i panisim Fero, mo ol samting ya oli gat paoa long yumi olsem wanem? (Eks. 9:13-16) [w05 5/15 pej 21 haf 8]

7. ?Eksodas 14:30, 31 i gat wanem mining long taem blong yumi? [w04 3/15 pej 26 haf 5]

8. ?Wanem ol nogud samting we Eksodas 16:1-3 i soemaot se i save hapen from fasin blong toktok smol agens? [w93 4/1 pej 26 haf 1-3]

9. ?Folem Kontrak blong Loa we i stap long Eksodas 19:5, 6 (NW) olsem wanem yumi save talem se Isrel i “kam wan kingdom blong pris mo wan tabu neson”? [w95 7/1 pej 16 haf 8]

10. ?Olsem wanem namba ten komanmen we i agensem fasin blong kavetem samting blong narafala i hae moa i winim loa blong man? (Eks. 20:17) [w06 7/1 pej 13-14 haf 16]