Tingtingbak Long Ol Poen Blong Tiokratik Skul

Bambae yumi tokbaot ol kwestin ya long Tiokratik Skul long wik we i stat long Februari 27, 2012. Dei we i stap long braket i blong givhan long yu blong lukaot moa save taem yu rerem Tiokratik skul evri wik.

1. ?I stret blong talem se fasin sore blong Jehova i slakem stret fasin blong hem blong jajem man? (Aes. 30:18) [Jen. 9, w02 3/1 pej 30]

2. ?Yumi lanem wanem long Sebna we i lusum wok blong hem olsem man blong lukaot long haos blong King? (Aes. 36:2, 3, 22) [Jen. 16, w07 2/1 pej 14 haf 6]

3. ?Aesea 37:1, 14-20 i soemaot se yumi mas mekem wanem taem yumi kasem trabol? [Jen. 16, w07 2/1 pej 15 haf 1-2]

4. ?From wanem pijatok we i stap long Aesea 40:31 i leftemap tingting blong ol man blong Jehova? [Jen. 23, w96 6/15 pej 10-11]

5. Ol tok blong Jehova long Aesea 41:14 oli leftemap tingting blong yumi tede from i no longtaem, ?bambae i gat wanem faet agens long yumi? [Jen. 23, ip-2 pej 24 haf 16]

6. ?Yumi soemaot olsem wanem se yumi stap “traehad blong mekem fasin we i stret”? (Aes. 51:1, NW) [Feb. 6, ip-2 pej 165 haf 2]

7. ?Hu “plante narafala man” ya we Aesea 53:12 (NW) i tokbaot? ?Mo fasin we Jehova i mekem long olgeta, i tijim yumi long wanem nambawan fasin blong Jehova? [Feb. 13, ip-2 pej 213 haf 34]

8. ?Ol tok blong Aesea 60:17 oli pija blong wanem samting we i hapen long ol man blong Jehova long ol las dei? [Feb. 20, ip-2 pej 316 haf 22]

9. Jisas mo ol man blong hem oli talemaot ‘yia we God i makem blong soemaot gladhat blong hem long ol man.’ ?Yia ya hem i wanem? (Aes. 61:2, NW) [Feb. 20, ip-2 pej 324-325 haf 7-8]

10. ?Aesea 63:9 i tokbaot wanem nambawan fasin blong Jehova? [Feb. 27, w03 7/1 pej 19 haf 22-23]