De Emwi Nọ Khẹke Ne Ima Ru Deghẹ Ima Hoo Ne Ima Ya Ẹko Rhiẹnrhiẹn Osanobua?

Ghẹ ru emwi dan. 1 Kọrinti 6:9, 10

Ma gha hoẹmwẹ e Jehova, ma i khian gha ru emwi nọ sọnnọ rẹn.

E Jehova ma hoo ne ima gha rhaa, ọ ma hoo ne ima gha da ayọn gbe egbe ra ne ima gha loo ukhunmwu ghee ihan.

Osanobua ma hoo ne ima gha do izigha, ọ ma hoo ne ima gha kpannọ ẹko, ọ ma hoo ne okpia vbe okpia ra okhuo vbe okhuo gha ru emwi ọdọ vbe amwẹ. Ọ ma vbe hoo ne ima gha mwẹ arovbẹmwẹ ra ne ima gha gu emwa ọvbehe gbinna.

Ọ ma khẹke ne ima gha ga ẹbọ ra ne ima gha gu orhiọn dan mu obọ.

Uhunmwu otagbọn na gha ghi khian e paradais nẹ, ai khian ghi gha miẹn emwa ni ru emwi dan.

Gha ru emwi esi. Matiu 7:12

Adeghẹ ima hoo ne ima ya ẹko rhiẹnrhiẹn Osanobua, te ọ khẹke ne ima gha ya egbe taa re.

Gha ya obọ esi mu emwa, u ghi vbe gha zẹ emwi obọ ne iran, ne u ya rhiẹre ma wẹẹ u hoẹmwẹ iran.

Gha ta ẹmwata.

Gha mwẹ ekhọe itohan kevbe ekhọe ayabọ.

Gha tama emwa vbekpae Jehova kevbe odẹ ne ọ ya ru emwi.—Aizaia 43:10.