Vbọre Ahoo Ọghe Osanobua?

Osanobua hoo ne ima gha mwẹ ọfunmwegbe kevbe oghọghọ vbe paradais vbe etẹbitẹ!

U sẹtin gha roro ẹre wẹẹ, ‘Ọna gha gele sẹtin sunu ra?’ E Baibol khare wẹẹ, Arriọba Osanobua gha ya agbọn na khian e Paradais. Osanobua hoo ne emwa hia rẹn vbekpae Arriọba nii kevbe emwamwa ne irẹn mwẹ ne ima.—Psalm 37:11, 29; Aizaia 9:7.

Osanobua hoo ne agbọn maan ima.

Vbene erha nọ mwẹ ekhọe esi ya hoo ne agbọn maan ivbi ẹre, erriọ ẹre Erha ima nọ rre ẹrinmwi vbe ya hoo ne ima gha mwẹ oghọghọ vbe etẹbitẹ. (Aizaia 48:17, 18) Osanobua yan rẹn nẹ wẹẹ, te ọmwa nọ ru ahoo ọghe irẹn khian “gha rrọọ ẹdẹdẹmwẹdẹ.”—1 Jọn 2:17.

Osanobua hoo ne ima gha lele odẹ ọghe ẹmwata.

E Baibol khare wẹẹ, Ayi ọghomwa keghi “maa ima emwi ne o hoo ne ima ru” ne ima mieke na gha “lele odẹ” ọghẹe. (Aizaia 2:2, 3) Osanobua mwẹ emwa ni ya eni ẹnrẹn wan egbe. Iran na, ẹre ọ tama emwa vbe uhunmwu otagbọn hia vbekpae ahoo ọghe Osanobua.—Iwinna 15:14.

Osanobua hoo ne ima gha mwẹ akugbe vbe ugamwẹ ọghẹe.

Ugamwẹ ọghe Jehova i si ighaegbe. Te ọ ya emwa mwẹ akugbe kevbe ahoẹmwọmwa nọ sẹ otọ ẹko. (Jọn 13:35) Vbe ẹdẹnẹrẹ, de emwa ni maa emwa re vbe ehe hia, odẹ ne iran khian ya gha mwẹ akugbe vbe ugamwẹ Osanobua? U gha tie ebe ẹmu na, u gha miẹn ewanniẹn ọghe inọta na.